Jose Mourinho duket se do të jetë trajneri i ardhshëm i Interit. Prestigjiozja spanjolle “Don Balon” bën me dije se trajneri luzitan tashmë ka arritur akordin me zikaltërit dhe në fundin e sezonit do të jetë ai arkitekti për të ndërtuar Interin e viti të ardhshëm.
Interi i ka besuar ringritjen e ekipit dhe do t’i lënë atij në dorë rikthimin e trofeve në Milano.
I njëjti burim raporton se portugezi ka hartuar dhe listën e tij për merkaton e verës. Ai kërkon të largohet Miranda dhe të vijë Godin në vendin e tij. Gjithashtu në qendër të mbrojtjes kërkon dhe Varane, i cili kushton 80 milionë euro, por që ka dhe një konkurrencë të madhe për të.
Modriç dhe Coutinho janë dy lojtarët e tjerë, që luzitani dëshiron t’i sjellë në Milano. Ndërkaq ai kërkon largimin e Perisic, për të sjellë disa para për arkat e kubit.
Mbetet të shihet nëse ky lajm i “Don Balon” është i vërtetë apo janë aludimet e merkatos.
