Mospërfundimi në kohë i pallatit, banorët përplasen me punonjësit e firmës

Dhjetra qytetarë kanë dalë në protestë mëngjesin e sotëm në zonën e ”Astiri”t në kryeqytet, për shkak të mospërfundimit në kohë të punimeve në një pallat, për të cilin kanë dhënë paradhënie një pjesë të parave.

Banorët shprehen se kompania e kontraktuar për ndërtimin e pallatit, është ”Star construction”,  dhe punimet duhet të kishin përfunduar në vitin 2019.

“Ne kërkojmë që të bëjmë vetë pjesën që ka mbetur në banesat tona. Kemi marrë borxhe, dhe i kemi blerë ato shtëpi, nga 80 mijë euro, kemi paguar 60 mijë dhe ato e kemi marrë borxh”, thotë prej qytetarëve.

Çështja e këtij konflikti ndodhet tashmë në Gjykatën e Apelit të Tiranës, ndërkohë që Bashkia e Tiranës nuk u jep leje banorëve që të kryejnë ndërhyrje në pallat.

Një person ka mbetur i lënduar, si pasojë e pëplasjeve që kanë ndodhur me punonjës të kompanisë që po ndërton pallatin, teksa policia ka shoqëruar një tjetër në komisariat.

Janë dy biznesmenë që janë të përfshirë në ndërtimin e pallatit, ndërkohë që banorët thonë se janë të detyruar që të qëndrojnë me qera, në një kohë që kanë dhënë para për blerjen e banesave në këtë pallat në ndërtim.