Lezhë: Rrëshqitja e tokës ndan rrugën në dy pjesë (Foto)

Reshjet e dendura të shiut të ditëve të fundit, kanë shkaktuar përmbytje të mëdha në disa nga qytetet e vendit.

Lezha mbetet një nga qaqet më të rrezikuara, pasi përveç përmbytjeve, ka pasur dhe shembje masive të rrugëve.

Segmenti rrugor që lidh fshatrat e njësisë administrative Ungrej me Kallmentin ka pësuar shembje masive, dhe është ndarë në dy pjesë.

Për pasojë është bllokuar segmenti rrugor duke izoluar qindra banorë të kësaj zone të cilët nuk kanë asnjë mundësi tjetër për t’u lidhur me qendrën urbane.

Ditën e djeshme mbërritën forcat e ushtrisë për përballimin e situatës së krijuar nga përmbytjet dhe rrëshqitjet e dherave.