Edhe gjatë kësaj seance planare, deputeti Kujtim Gjuzi është përplasur me kryeministrin Edi Rama. Teksa shefi i qeverisë po fliste në foltoren e Kuvendit, Gjuzi ndërhyri duke nxjerrë një foto të kryeministrit me Vuçiçin dhe Zoran Zaev.
Rama ia ka kthyer menjëherë me ironi, duke i thënë se kishte vënë maskë anti-gaz. Madje Rama shkoi edhe më tej duke u tallur, duke e cilësuar si naltmadhni Gjuzin.
“Naltmadhni të lutem, të lutem. Naltmadhni të lutem, ose të paktën kur më tregon, maskën e paske anti-gaz, të lutem mos më ndërprit. Të paktën kur nxjerr panorama mos më moho kënaqësinë të shoh mustaqet dhe më vjen mirë që këtë herë mustaqet i ke mbrojtur me maskë”, tha Rama.
Teksa Rama po fliste, fjalën e ka marrë shkurtimisht Gramoz Ruci, i cili i doli në mbrojtje.
“Zoti Gjuzi, mos më krijo hapësira që të tërheq vëmendjen herë tjetër”, tha Ruçi.
