Mbrëmjen e djeshme në “Opinion”, është agravuar situata mes moderatorit Blendi Fevziu dhe ministrit Arben Ahmetaj. Ministri po fliste për donacionin e Bashkimit Evropian për Shqipërinë në vlerën e 50 milionë eurove, kur Blendi i përmendi atij gjyqin e fituar nga Francesco Bechetti, të cilit shteti shqiptar i detyrohet 110 milionë euro.
Por ministri ia ktheu se ai “s’do të marrë asnjë kokërr leku”. Ai vijoi t’i kushtojë rëndësi lobimit të kryeministrit Rama për të siguruar ndihmën e BE-së.
Por kjo përgjigje nuk është pritur aspak mirë nga Blendi Fevziu, ndërsa tha se nuk i duhej se kush ka lobuar për të siguruar ndihmën e BE-së. Madje në një çast ministri Ahmetaj i ka kujtuar faktin moderatorit se ish-kryeministrin Berisha e toleron, dhe me të tjerët sillet mjaft prerë.
Fevziu: S’më duhet mua se kush loboi!
Ahmetaj: Më duhet mua!
Fevziu: Kemi sekonda më interesante se kush loboi dhe me kë loboi…
Ahmetaj: Kur të bën Saliu të njëjtën gjë nuk ia kthen!
Fevziu: Tani se çfarë i kthej unë Saliut, nuk të përgjigjem ty fare, more vesh apo jo! Ti s’ke parë gjë hiç, edhe mos bëj as trimin as të fortin këtu, të më tregosh as Saliun asnjë tjetër. Jepu përgjigje qytetarëve atje për lekët, edhe mos qesh fare sepse është situatë katastrofike. Ka qytetarë që po rrinë pa bukë. E ndërpres fjalën dhe s’ta lë fare!
