U përfol shumë se kush mund të ishin arsyet që e çuan moderatoren Arjola Shehu jashtë ‘TV Klan’. Ajo zgjodhi për të mos treguar detaje, duke u rezervuar në këtë drejtim. Mesa duket, emisioni i gatimit nuk ishte në karakterin e saj.
Arjola nuk u shpreh në asnjë moment lidhur me arsyen e largimit, por vendin e saj e zunë Alfio Rrotani dhe Indrit Çela me emisionin “Sfida e gatimit”.
Duket se tashmë ka ardhur koha që vetë ajo të japë një detaj lidhur me mbylljen e kontratës me televizionin “Klan”.
“Mendoj që kam për të përjetuar gjëra të tjera, përpara se të bëhem një zonjë shtëpie”, tha moderatorja për “Thumb”, duke nënkuptuar se emisioni i gatimit nuk i përshtatej moshës së saj.
Duket se ajo kërkonte mundësi në një tjetër fushë, por që nuk iu dha nga ai televizion. Tashmë Arjola është zhvendosur te TVSH-ja, ku prezanton “Netët e klipit shqiptar”.
