Një ndër shqetësimet e banorëve në Shqipëri e jo vetëm, është nëse do të ketë një rikthim edhe më të fuqishëm të COVID-19. Shkencëtarët çdo ditë e më shumë po dalin në hipoteza të ndryshme, e kjo e shton edhe më tej frikën.
Të përballur me koronavirusin vdekjeprurës, e në kohë kur ende nuk ka një vaksinë, karantina është zgjidhja ideale. Mjeku Tritan Kalo ka shprehur shqetësimin në emisionin ‘Përballë’, se sjelljet e individëve të papërgjshëm, që nuk respektojnë masat, do bëjnë që të infektohet pjesa tjetër.
“Shqetësimi më i madh që kam tani, është që hapja të bëhet gradualisht, por sjellja e individëve të papërgjegjshëm do bëjë që me veprimet e tyre ta pësojnë njerëzit e përgjegjshëm”, u shpreh ai.
Mjeku u pyet nëse Shqipëria është gati të përballet me një valë të dytë koronavirusi. “Jemi, se nuk janë shfrytëzuar strukturat e parapërgatitura, nëse shtrihet një gjë e tillë. Rikthimi në shtator, ka diçka që luhatet. Por në shtator s’ka vetëm COVID, nuk është vetëm gripi janë dhe viroza të tjera”, tha mjeku Tritan Kalo.
