Mjeku Kalo: Rritja e rasteve me Covid-19, pasojë e pakujdesisë së qytetarëve

Për mjekun infeksionist Tritan Kalo, shtimi i rasteve me Covid-19 në vendin tonë ka ardhur si pasojë e vetë pakujdesisë së qytetarëve.

Në një intervistë për ‘’Fax News’’,  Kalo tha se mos-respektimi i rregullave, grumbullimi i qytetarëve nëpër festa e ceremoni mortore, si dhe qarkullimi i një virusi të ri në të gjithë botën kanë ndikuar në rritjen e rasteve.

I pyetur për mundësinë e një karantinë të dytë në vend, mjeku u shpreh se karantinimi do t’i stresonte dhe dëmtonte më shumë nga ana psikoligjike njerëzit.

Tritan Kalo: “Të karantinohesh është kollaj, por ta mbash si duhet karantina është pak e vështirë. Është më e mira që njerëzit të ndërgjegjësohen. Është më e mira që njerëzve t’iu ofrohet shërbimi i duhur në spitale dhe ambulanca, sesa të izolohen. Kjo për arsye se stresi psikologjik që shkakton karantina është më i dëmshëm sesa stresi që kanë të semurët.”