Itali: Mafia urdhëron ambulancat të mos përdorin sirenat, ja arsyeja

Pjesëtarët e mafias në qytetin italian të Napolit, thuhet se kanë kërcënuar punonjësit e urgjencës shëndetësorë, që të ndalin përdorimin e sirenave të alarmit, pasi zhurma e tyre është shumë e ngjashme me atë të sirenave të policisë, dhe u prish “biznesin” e tyrre.

Kohët e fundit, shoferët e ambulancave në këtë qytet, kanë nisur të kërkojnë shoqërimin nga forcat e policisë, pas raporteve të shumta mbi grupe të armatosura të mafies, që kërcënojnë dhe madje sulmojnë ambulancat, pikërisht për shkak të përdorimit të sirenave dhe sinjaleve me dritë.

Me sa duket, këto sinjale emergjence të përdorura nga ambulancat, janë shumë problematike për mafiozët, pasi i trembin trafikantët e drogës dhe i parandalojnë klientët të afrohen tek ata, pasi sirenat ngatërrohen me ato të policisë.

Raste të tilla janë raportuar prej vitesh, por problemet janë përkeqësuar kohët e fundit për shkak të krizës së Covid-19. Një shofer ambulance i traumatizuar, tha për mediat italiane, se ai po ngiste një ambulancë me sirenën e ndezur, kur u arrit nga dy burra me një motor, njëri prej të cilëve goditi dritaren e ambulancës dhe e kërcënoi ta vriste.

Ekipi mjekësor u tmerrua, telefonoi policinë dhe i kërkoi t’i siguronte një shoqërim të sigurt për të dalë nga lagjja ku ndodheshin. “A nuk e kuptoni që këtu nuk mund ta përdorni dot sirenën tuaj? Fike atë ose ne do të qëllojmë -thuhet se i tha një nga burrat e armatosur shoferit të ambulancës.

Manuel Ruxhero, një mjek 42-vjeçar i shërbimit të urgjencës, dhe kreu i një dege lokale të një organizate që lufton dhunën kundër mjekëve, konfirmoi se në Napoli ekzistojnë vërtet lagje ku ambulancat nuk përdorin sirenat dhe sinjalet e tyre të dritës, nga frika e hakmarrjes nga mafia.

Lexo edhe :   Tiranë, arrestohen në flagrancë 6 shtetas, për vepra të ndryshme penale

“Ne tashmë jemi udhëzuar të mos përdorim sirena në pjesë të tjera të qytetit, përfshirë Sanità dhe Traiano, ku ambulanca atje nuk e ndez sirenën e saj, derisa të largohet nga zona”-thotë Ruxhero. Politikanët e zonës i kanë kërkuar qeverisë qëndrore në Romë, që ta bëjë luftën ndaj mafias një prioritet kombëtare, duke bërë thirrje për masa më të mëdha mbrojtëse për shërbimin e urgjencës.

Burimi i lajmit: https://absolutegeneralnews.com/italian-mafia-order-ambulances-to-cease-sirens-as-members-mistake-them-for-police/

Përshtatur nga TIRANA TODAY