Mjeku i njohur infeksionist Tritan Kalo, me anë të disa fotove ka dhënë mesazhe mjaft të vlefshme gjatë këtyre ditëve, ku paniku është i lartë për prekjen nga koronavirusi. Mjeku Tritan Kalo, i cili ndodhet në personelin e Shërbimit të Sëmundjeve Infektive, ka ndarë me ndjekësit disa foto, duke thënë se edhe kjo betejë do të fitohet. Ai shprehet se eksperienca dhe përkushtimi nuk mungon, ndaj do bëhet më e mira e mundshme në ‘luftën’ për të shpëtuar pacientët e infektuar.
Statusi
15 Mars 2020….MBRËMJE në Shërbimin e Sëmundjeve Infektive…..Jemi këtu në krye të detyrës së bashku me Prof. N. Çomon, Dr. N. Kryemadhin, Dr. M. Qaton, Dr. Dr. A. Domin, Dr. A. Hoxhën si dhe një grup dijeplotë e vullnetplotë Infermjeresh, të mbështetur nga Sanitaret, Koordinatoret, etj….Bashkëqytetarë, ju DUHET të BINDENI se ato çka lexoni në shtypin botëror në lidhje me MUNDËSITË më të fundmit terapeutike të mjekimit, të të gjitha formave klinike të Covid-19 edhe ne po ua ofrojmë të sëmurëve tanë, për të bërë të mundur shpëtimin e jetëve të tyre….NUKU na mungojnë mjetet për t’u shërbyer, POR mbi të gjitha ju sigurojmë se NUKU na mungon humanizmi, dija e vullneti ynë për të bërë gjithshka të mundëshme në luftën për jetën e të sëmurëve tanë….Ju duam shumë, na mirëkuptoni dhe na mirëbesoni…Njëkohësisht ajo çka na frymëson është edhe fakti se, SOLIDARITETI dhe MBËSHTETJA e kolegëve mjekë e infermjerë NUKU na mungon….BASHKËRISHT ne do t’ia dalim mbanë!!!
Më shumë se 1 mijë mjekë e infermierë i janë përgjigjur apelit, për t’iu bashkuar ‘luftës’ kundër COVID-19 në Shqipëri. Kryeministri njoftoi dje se apelit të bërë nga Ministrja e Shëndetësisë i janë përgjigjur deri më tani 497 mjekë dhe më shumë se 600 infermierë.
Kryeministri kujtoi se në pagën e marsit dhe në muajt në vijim, atyre do t’u shtohet edhe bonusi 1 mijë euro për shërbimin. Po ashtu, edhe vullnetarëve që do t’i bashkangjiten betejës, në vijim do t’u jepet ky bonus.
