E hënë, 18 Janar, 2021
-4 C
Tirana

Mitet e rreme rreth stërvitjes në palestër, të hedhura poshtë nga shkenca

Shumë studime shkencore vërtetojnë se marrja me sport siguron mirëqenie psikofizike tek të gjitha moshat. Por, ndërkohë është gjithashtu e vërtetë se ajo nuk praktikohet gjithmonë në mënyrën e duhur, kjo edhe për shkak të trajnerëve amatorë që shpërndajnë përmes internetit këshilla që nuk janë gjithmonë të sakta.

Shtriqja paraprake e muskujve parandalon dëmtimet

E pasaktë. Një studim i botuar në “Research in Sports Medicine”, provoi mungesën e efektivitetit të shtriqjes në zvogëlimin e rrezikut të lëndimeve gjatë ushtrimeve fizike. Para se të merreni me aktivitet fizik intensiv, është më mirë të bëni disa ushtrime dinamike për 5-10 minuta.

Mëngjesi i hershëm, koha më e mirë për t’u stërvitur

Kjo varet nga bioritmi i gjithsecilit. Të stërvitsh herët është një mënyrë e shkëlqyer për të vënë në punë metabolizmin. Por një studim i botuar në “Journal of Physiology”, thotë se koha më e mirë është midis orës 13:00 dhe 16:00 për shkak të niveleve të testosteronit, të cilat janë më të larta në mesin e ditës. Stërvitja në mbrëmje nuk rekomandohet, përveçse nëse ndodh pas një pushimi të shkurtër pasditeje.

Që të bini në peshë, duhet të stërviteni të paktën për një orë

Jo domosdoshmërisht. Sipas një studimi të botuar në “American Journal of Physiology”, të stërviturit mirë edhe gjysmë ore mund të sjellë rezultate më të mira. Studiuesit vëzhguan për 3 muaj 60 burra të angazhuar në dy programe të dallueshme. Ata që stërviteshin vetëm 30 minuta me intensitet më të madh humbën mesatarisht 3.6 kg të masës dhjamore, krahasuar me 2.7 kg nga ata që stërviteshin për 1 orë.

Sa më të mëdhenj muskujt, aq më të fortë janë ato

Nuk është tamam kështu. Një studim i kryer nga Universiteti i Mançesterit, zbuloi se fijet muskulore të vrapuesve dhe atyre që merren me peshëngritje, janë shumë më të fuqishme, të paktën në nivelin qelizor, sesa ato të një body-builder, që në realitet thjesht ka më shumë masë muskulare. Pra bëhet fjalë për zgjedhjen midis cilësisë dhe sasisë.

Sa më shumë të djersitësh, aq më shumë yndyrna djeg

Jo, djersitje do të thotë vetëm se po humbni ujë dhe elektrolite, dhe për këtë arsye duhet të hidratoheni. Djersa është mekanizmi që na duhet për t`a mbajtur veten të freskët, dhe për të rregullua temperaturën e trupit gjatë sforcimit. Por pesha e humbur në këtë lloj mënyre, duhet të rifitohet sa më shpejt duke pirë ujë.

Të shtosh peshë do të thotë të shtosh masën dhjamore

 Jo gjithmonë. Nëse filloni të stërviteni me synim humbjen e kileve të tepërta, mund të shtoni peshë edhe para se t`a humbni atë. Kjo pasi ndërsa masa dhjamore fillon të bjerë, rritet masa muskulore, dhe ajo rritet më shpejt sesa zhduket dhjami.

Stërvitja në grup nuk jep të njëjtat rezultate

Përkundrazi, jep rezultate më të mira. Një studim i botuar në “Journal of Personality & Social Psychology”, shpjegon se të dalit për vrap apo të shkuarit në palestër me dikë tjetër, na nxit të punojmë më mirë pasi e forcon rutinën tonë dhe shkakton një konkurrencë instiktive.

Vrapimi është mënyra më e mirë për të humbur peshë

Vrapimi është një mënyrë e mirë për të humbur në peshë, por jo më e mira nëse nuk vraponi për aq kohë sa duhet. Pasi yndyrnat në trupin tonë nisin të konsumohen vetëm pas 20-25 minutash aktivitet. Në fakt, muskujt kanë rezerva më të larta të energjisë dhe trupi ynë do të fillojë t`i djegë ato para se të fillojë ta bëjë atë me yndyrnat.

Mund të bihet në peshë vetëm në disa pjesë të caktuara të trupit

Jo, nuk është e mundur. Fokusimi vetëm tek një ushtrim i vetëm, do të bëjë që të zmadhohen muskujt në atë zonë. Në një eksperiment në “Resarch Quarterly for Excercise and Sport”:për 27 ditë rreth 20 njerëz bënë vetëm ushtrime të barkut, duke humbur dhjamë kudo, por duke e rritur perimetrin e barkut.

Burimi i lajmit: https://www.focus.it/scienza/salute/10-falsi-miti-allenamento-sportivo

Përshtatur nga TIRANA TODAY

- Reklama -

Më shumë nga kategoria




Të fundit

Bayern-in e nderon senatori Muller, por sa vuajtje me Freiburg

Fitore me vuajtje. Bayern Munich mposht Freiburg 2-1 dhe në fund duhet të falënderojë fatin pasi miqtë goditën tranversën që mund të sillte golin...

Koronavirusi i ri në Kosovë? Dërgohen 30 mostra për verifikim në Berlin

Kosova ka dërguar 30 mostra në Berlin për të parë nëse koronavirusi i ri ka mbërritur edhe në vendin e tyre. S30 mostra të zgjedhura...

Vaksinimi kundër koronavirusit, Italia vendos rregulla të reja

Italia vendos rregulla të reja për procesin e vaksinimit kundër koronavirusit. Personat mbi moshën 80 vjeç do të rezervojnë një vend me mjekët e...

Karakaçanov: Maqedonia e Veriut, pjesa më tragjike e historisë bullgare

Zëvendëskryeministri i Bullgarisë, Krasimir Karakaçanov ka përjashtuar çdo mundësi që Sofja të heqë dorë nga kërkesat e saj në raport me Maqedoninë e Veriut,...

Foto/ Kërkesa e Rugovës për të hyrë në Shqipëri gjatë kohës së Enver Hoxhës

Ish-presidenti i Kosovës, Ibrahim Rugova kishte bërë kërkesë në prill të vitit 1980 për të hyrë në Shqipëri, ku kishte treguar se qëllimi i...