Ditë më parë, qytetarët e Tiranës dolën në dritare e ballkone, për të duartrokitur mjekët shqiptarë, të cilët po rrezikojnë jetën për të prekurit nga koronavirusi. Kjo nismë e cila u përqafua në masë, është parë e udhës që të ripërsëritet sërish.
Zyra e BE në vendin tonë ka ndërmarrë një nismë, për të falenderuar të gjithë heronjtë që janë në vijën e parë në “luftë” me Covid-19, që deri më tani në Shqipëri ka shënuar 223 të infektuar dhe 11 viktima.
Me anë të një postimi në rrjetet sociale, zyra e BE fton të gjithë qytetarët që në orën 20:00 të mbrëmjes të bashkohen për të duartrokitur profesionistët e kujdesit shëndetësor, zjarrfikësit, policët. “Ne jemi me gjithë zemër duke duartrokitur sonte për profesionistët e kujdesit shëndetësor, studiuesit, zjarrfikëset, policët dhe të gjithë ata që janë atje duke luftuar kundër #Covid19. Bashkohuni me ne për t’i duartrokitur sonte në 20:00”, shkruan në twitter zyra e BE.
