Kryetarja e LSI, Monika Kryemadhi ka reaguar ashpër pas miratimit në mënyrë të njëanshme të kodit të ri zgjedhor në kuvend.
Në një deklaratë për mediat, Kryemadhi tha se kryeministri Edi Rama ka frikë nga vota e lirë dhe nga populli.
Sipas saj, Rama është armiku i shqiptarëve.
Monika Kryemadhi: ”Frikacaku tregoi dhe njëherë që ka frikë nga populli i tij, ka frikë nga verdikti i popullit të tij, frikacaku tregoi dhe njëherë që ka frikë nga partia e tij dhe mbi të gjitha ka frikë nga vota e lirë e shqiptarëve. Ai jo vetëm sot nuk hapi listat për qytetarët shqiptarë, por përkundrazi i bunkerizoi ato për të larguar njëherë e përgjithmonë dhe për të distancuar Shqipërinë nga integrimi europian dhe sidomos shqiptarët nga Europa.
Është armik i qytetarëve që humbën shtëpitë nga tërmeti. Edi Rama sot është armik i mjekëve dhe infermierëve shqiptarë. Që nuk kanë mbrojtje nga pandemia. Përkundrazi paratë e tyre i kalon me vendime sekrete tek oligarkët. Ai është armik i arsimit dhe mësuesve. Janë 6 muajt e fundit. Sot bën si i fortë, por natën sjell emisarët.
Më kot lodhesh, era e qelbur e kufomës politike s’mund ta mbulojnë as parfumet më të shtrenjta. Ti e ke vendin, aty tek bashkëpuntorët, do të jesh koleg i qelisë së bashkëpuntërove të tu’’.
Kodi i ri Zgjedhor u miratua me 97 vota pro, 15 kundër dhe 5 abstenim.
https://www.facebook.com/levizjasocialisteperintegrim/videos/393444574996114/
