Kryeministri Edi Rama përmes një postimi në rrjetin social Facebook ka njoftuar qytetarët shqiptarë që ndodhen në Greqi me leje 90 ditore, që nuk do penalizohen për shkelje të pavullnetshme të afatit.
Rama iu bën thirrje që të qëndrojnë pa lëvizur, të mbrojnë veten dhe familjet e tyre në këto ditë të pazakonta të shkaktuara nga koronavirusi.
Reagimi i plotë i Kreut të Qeverisë: “Miq që jeni në Greqi me leje 90 ditore! Qeveria greke nuk do t’ju penalizojë për shkelje të pavullnetshme të afatit si pasojë e mbylljes së kufirit!
Kufiri është i mbyllur prandaj qëndroni pa lëvizur, mbroni veten dhe familjet tuaja”.
