Ministrja e Shëndetësisë, Ogerta Manastirliu, ka njoftuar se sistemi shëndetësor do të vijojë hapjen graduale me protokolle strikte sigurie. Ministrja thotë se ndërhyrjet kirurgjikale do të rinisin në datën 18 maj, në spitalet rajonale dhe universitare.
Shqipëria ka regjistruar këtë të hënë numrin më të ulët të rasteve pozitive me koronavirus në 8 javët e fundit. Prej më shumë se 10 ditësh, në Shqipëri nuk është regjistruar asnjë humbje jete, si pasojë e prekjes nga COVID-19.
Njoftimi
Edhe sistemi shëndetësor po vijon me faza ri-hapjen graduale, me protokolle strikte sigurie.
?⚕️ ??⚕️ Ndërhyrjet kirurgjikale të planifikuara do të rinisin të hënën e ardhshme, datë 18 Maj në spitalet rajonale dhe universitare ✅
? Spitali “Shefqet Ndroqi” po planifikohet të kthehet në normalitet ✅
Nga ana tjetër, ekonomia po shkon drejt hapjes së plotë, pasi qindra biznese të tjera kanë çelur dyert për klientët këtë fillim jave.
Sipas rregullave të reja, tashmë vizitorët duhet të mund të qëndrojnë në ambientet e qendrave tregtare, maksimumi deri në 2 orë dhe nuk do të lejohet më shumë se 50% e kapaciteteve të tyre në të njëjtën kohë.
