Ministria për Evropën dhe Punët e Jashtme informon të gjithë qytetarët shqiptarë që ndodhen në Spanjë, se janë pezulluar të gjithë procedimet administrative përgjatë gjendjes së emergjencës, për shkak të koronavirusit.
Si rrjedhojë, të gjithë shtetasit e huaj, që nuk mund të kthehen në vendet e tyre të origjinës nuk do të preken gjatë kësaj periudhe të jashtëzakonshme.
Po ashtu, për këta qytetarë nuk do të ketë sanksione për tejkalim të afateve të qëndrimit.
Kujtojmë se situata e shkaktuar nga koronavirusi në botë paraqitet kaotike. Prej muajsh tashmë po luftohet për gjetjen e një vaksine efikase që kuron COVID-19.
Ndërkohë në Shqipëri rastet e konfirmuara me koronavirus deri më tani janë 89, dhe 5 persona fatkeqësisht kanë humbur jetën.
