Ministri i ri i Brendshëm Bledi Çuçi ndodhet në familjen e të ndjerit Klodian Rasha i cili u vra më 8 dhjetor nga efekti i policisë Nevaldo Hajdaraj.
Çuçi është i shoqëruar nga zëvendësdrejtori i Përgjithshëm i Policis së Shtetit, Albert Dervishaj dhe kreu i Shërbimit për Çështjet e Brendshme dhe Ankesat në Ministrinë e Brendshme, Muhamet Rrumbullaku.
Çuçi ka vetëm tre ditë që e ka marrë zyrtarisht detyrën, pas largimit të Sandër Lleshajt.
Lleshaj dha dorëheqjen pas vrasjes së 25-vjeçarit nga efektivi i policisë, i cili e ndoqi pranë banesës së tij, pasi e vuri re se kishte thyer orën policore. Vrasja që tronditi vendin u pasua nga protesta të dhunshme që zgjatën për 7 ditë.
Më herët për vizitë në shtëpinë e të ndjerit ka qenë kryeministri Edi Rama, Sandër Lleshaj, kreu i bashkisë Tiranë Erion Veliaj, kreu i PD Lulzim Basha dhe disa politikanë të tjerë.
