Ministri gjerman i Shtetit për Europën, Michael Roth deklaroi se Bashkimi Evropian duhet të mbajë premtimin për hapjen e negociatave me Shqipërinë dhe Maqedoninë e Veriut.
Në një intervistë dhënë për gazetën gjermane ”Welt am Sonntag”, ministri theksoi se këto dy vende kanë kryer detyrat e kërkuara dhe meritojnë të shpërblehen.
”Refuzimi do të rrezikonte seriozisht besueshmërinë e BE-së, paqen dhe stabilitetin e Ballkanit Perëndimor. Po të krijojmë një vakuum politik, atë do ta mbushin pa shumë ceremoni aktorë si Rusia, Kina, Turqia apo Lindja e Mesme. Partnerët tanë nuk duhet të shkelin fjalën e dhënë”, nënvizoi Michael Roth.
Sipas tij, më 15 tetor duhet t’i jepet dritë jeshile negociatave me Shqipërinë dhe Maqedoninë e Veriut.
