Kufizimet e reja në Gjermani do të jenë në fuqi deri më 10 janar, ku do të qëndrojnë të mbyllura gjatë kësaj kohe të gjithë dyqanet jo thelbësorë, parukeritë, ndërsa kompanitë po nxiten që t’i lejojnë punonjësit të punojnë nga shtëpia. Situata është tejet kritike, aq sa autoritetet u detyruan që të shtrëngonin masat.
Vetëm bizneset thelbësore të shitjes me pakicë, të tilla si supermarketet dhe farmacitë, si dhe bankat, do të qëndrojnë të hapura. “Përhapja e koronavirusit është ‘jashtë kontrollit’ në Gjermani, ndërsa rastet e reja dhe vdekjet vazhdojnë të rriten, pas një bllokimi të pjesshëm të dështuar”, tha Ministri i Ekonomisë.
Peter Altmaier pranoi se masat e marra deri më tani nuk ishin të mjaftueshme, pasi Gjermania u detyrua të mbyllte dyqanet dhe shkollat gjatë Krishtlindjeve, pas gjashtë javësh vendi ishte në izolim të pjesshëm. Ministri ka paralajmëruar më tej se nëse izolimi nuk jep rezultat, spitalet do të kalojnë kapacitet e tyre. Numri i pacientëve në kujdesin intensiv ka arritur shifrën rekord, në më shumë se 4500.
