Xhelal Mziu ka akuzuar kryebashkiakun e ri të Bashkisë së Kamzës, i dalë nga zgjedhjet e 30 qershorit, Rakip Sulin se ka vjedhur me forcë institucionin.
Përmes një postimi në rrjetin e tij social “Facebook”, Mziu theksoi se militantët e Partisë Socialiste, të ndihmuar nga shefi i komisariatit nr. 5 kanë thyer xhamat e derës së jashtme të godinës. Sipas tij, kjo panoramë tregon më së miri se me çfarë qeverisje lokale do të përfaqësohet qyteti i Kamzës.
“Vidhet forcërisht nga Socialistët, institucioni i Bashkisë Kamëz.
Në orën 16.05 minuta Keshilltarët që u betuan se do të japin kontributin e tyre për të miratuar vendime të rëndësishme për qytetaret e Kamzës, të ndihmuar nga militantët e Partisë Socialiste dhe Personalisht nga Shefi i Komisariatit Nr. 5 Sali Skura dhe ndihmësit e Tij thyen xhamat e derës së jashtme dhe duke shpërthyer atë me forcë duke treguar se me çfarë qeverisje lokale do të përfaqësohet qyteti i Kamzës”, shkruan Mziu.
