Ndryshe nga Shqipëria, gazetarët dhe spikerët e lajmeve në botë janë disa nga njerëzit e famshëm më të pasur. Në mënyrë që të kesh një rrogë të lartë, një gazetar dhe spiker lajmesh e ndërton karrierën bazuar në informacione të zgjeruara, eksperienca dhe integriteti.
Por, që të jesh në listën e më të pasurve në këtë fushë, duhet të kesh diçka speciale. Diçka që të veçon nga gjithë kolegët e tjerë. Si edhe tërheq shikuesit në çdo kohë. E rrjedhimisht edhe vlera e këtyre gazetarëve në treg është shumë e lartë. Më poshtë ne ju sjellim listën e 10 gazetarëve më të pasur në botë.
10- Shepard Smith: 25 milionë dollarë. Moderatori i televizionit amerikan “Fox News”. Nga kontrata aktuale, fiton 10 milionë dollarë në vit.
9- Megyn Kelly: 30 milionë dollarë. Ka punuar në televizionet kryesore në SHBA. Nga kontrata e saj aktuale me NBC, fiton 18 milionë dollarë në vit.
8- George Stephanopoulos: 35 milionë dollarë. Fiton aktualisht 9 milionë dollarë në vit, si drejtues i emisionit të mëngjesit në telezionin amerikan “ABC News”.
7- Robin Roberts: 35 milionë dollarë. Bashkëdrejtuese e “Good Morning America” në “ABC News”. Nga kontrata aktuale, fiton 18 milionë dollarë në vit.
6- Brian Williams: 40 milionë dollarë. Moderator në televizionin informativ kabllor “MSNBC” në SHBA.
5- Bill O’Reilly: 50 milionë dollarë. Analist politik në “Fox News”. Me emisionin e tij “O’Reilly Factor”, fitonte 20 milionë dollarë në vit.
4- Matt Lauer: 60 milionë dollarë. Moderator në televizionin amerikan NBC. Me drejtimin e emisionit “Today Show”, fiton 23 milionë dollarë në vit.
3- Diane Sawyer: 80 milionë dollarë. Ka punuar në shumë televizione amerikane. Sot punon kryesisht si gazetare e pavarur.
2- Sean Hannity: 120 milionë dollarë. Fiton 29 milionë dollarë në vit, si drejtues dhe analist politik në “Fox News”.
1- Anderson Cooper: 200 milionë dollarë. Gazetari më i pasur në botë. Prej vitit 2001, punon në televizionin prestigjioz amerikan CNN./ TIRANA TODAY
