I frikësuar nga heqja e kompetencave, por edhe nën ethet e shkarkimit, presidenti Meta ka nisur nga sulmet ndaj qeverisë. Pak më herët ai paralajmëroi për një tubim së bashku me qytetarët më datë 2 mars në bulevardin “Dëshmorët e Kombit”, sikundër e konsideron, në mbrojtje të Kushtetutës dhe shpartallimin e grushtit të shtetit.
Kreu i Shtetit tha se të gjitha institucionet do t’u kthehen qytetarëve shqiptarë, dhe në këtë datë do të publikohet dekreti i parë “kundër grushtit të shtetit”.
Mesazhin e tij, Meta e ka demostruar me anë të një fotoje, të cilën e ka shpërndarë në Facebook.
Mbrëmë në emisionin ‘Real Story’, Rama ironizoi presidentin kur u pyet mbi deklaratën e Metës se “Parlamentin e shpërndan populli”.
“Ku e ka popullin ky, në WhatsApp? Tani të lutem, është shumë më i rëndësishëm Zaho dhe ditëlindja e vajzës, sesa kjo temë”, tha Rama.
Në kundërpërgjigje, Meta tha sot: “Ata që kërkojnë popullin e presidentit në WhatsApp, të porosisin poture të gjera”.
