“Unë kam qenë në anën e qytetarëve dhe nuk kam frikë nga vota e popullit”. Ky ka qenë mesazhi që presidenti Ilir Meta ka përcjellë gjatë fjalës së tij, i ftuar në emisionin “360 gradë” në Ora News.
Meta ka shprehur gadishmërinë për t’u tërhequr nga posti dhe t’i hapë rrugën zgjedhjes së presidentit nga populli. Për të, vendi ka nevojë për një ndryshim sistemi.
Ilir Meta: Patjetër. Qytetarët e kanë parë që në të gjitha zhvillimet Presidenti ka qenë në anën e tyre dhe të vërtetës. E kanë të qartë të gjitha ata që kanë frikë nga qytetarët. Po edhe Presidenti të zgjidhet nga populli, jo kur ti mbarojë mandati Ilir Metës pas 2 vjet e gjysmë por sot. Për të bërë një zgjidhje politike, po t’ja lëmë në dorë sovranit. Edhe për zgjedhjet vendore, edhe për zgjedhje parlamentare edhe presidentin nga populli.
Një president që nuk ka frikë nga vota e popullit nuk ka arsye pse të mos gëzojë. Ndoshta votën jo, por të paktën besimin dhe respektin e tij. Nëse populli thotë Ilir Meta të mos jetë president, Ilir Meta nuk po kërkon as të fitojë kohë për të qenë president në detyrë se mund të bëja marrëveshje me Ramën dhe të rrija 20 vjet. Unë gjithmonë kam besuar te vota e qytetarëve pavarësisht nga gabimet dhe mangësitë që kam dhe unë”, tha Meta.
