Tashmë e ka kthyer në traditë, që çdo ditë kryeministri Rama poston në profilin e tij të facebook, citime nga njerëz të shquar, apo proverba të ndryshëm.
Ditën e sotme, Rama me fjalët e Sokratit ka dashur të përforcojë mesazhet për një nga nismat ligjore më të komentuara kohët e fundit, atë që quhet “paketa anti-shpifje”.
Kjo paketë kaloi javën e kaluar në Kuvend me kontestime të forta nga gazetarët dhe një pjesë e institucioneve të huaja në vend, të cilët u shprehën kundra saj, për shkak se cënon të drejtat e gazetarëve.
‘Shpifjet nuk janë vetëm djallëzore në vetvete, po infektojnë shpirtin me djallëzi’ shkruan Rama në faqen e tij në Facebook duke citur Sokratin.
