Ndonëse u duk sikur tërmeti qetësoi përplasjet politike, Kreu i Shtetit Ilir Meta ka vendosur të rinisë sulmet dhe akuzat. Pas dëshmisë që dha kreu i Këshillit të Emërimeve në Drejtësi, Ardian Dvorani, Presidenca u hodh menjëherë në sulm, duke hedhur akuza se ka shkelur Kushtetutën.
Sulmet e Metës në drejtim të Reformës në Drejtësi dhe ndërkombëtarëve kanë qenë të shumta. Anëtarët e SPAK do të betohen në datën 19 dhjetor, dhe në datën 20 ata do të nisin zyrtarisht detyrën. Qëllimi i këtij institucioni është lufta ndaj krimit të organizuar dhe korrupsionit në nivele të larta.
Po kështu, në krah të presidentit Meta ka dalë edhe LSI. Ish-deputeti i kësaj force politike, Petrit Vasili kërcënoi Prokurorinë, ku tha se ky institucion duhet të ketë kujdes, të zbatojë ligjin ndaj Ardian Dvoranit, duke e ndjekur atë penalisht për dhunim të Kushtetutës.
