Analisti Frrok Çupi, teksa pasqyroi situatën politike në vend, u ndal tek Rama. Sipas tij, ndonëse zhurma e madhe po bëhet nga ana e presidentit Meta, Rama mbetet një faktor vendimtar.
Pas përballjes së fortë mes palëve, analisti mendon se Rama do t’i pastrojë të gjithë, dhe në fund do të ikë edhe vetë. Në emisionin “Top Talk”, analisti tha se Meta po kërkon terren që të bëhet faktori kryesor në vend. Në vijim të argumentit të tij, ai hodhi ‘shashkën’ e radhës. Pasi Frrok Çupi është i mendimit se Meta nuk e ka problemin me Ramën, dhe se gjithçka është një fasadë.
“Ilir Meta këtë po kërkon, të bëhet faktori kryesor në vend. Duke qenë nga një i korruptuar në total, të kthehet në një… mendojeni vetë. Ndëshkueshmëria në këtë vend do ishte zero.
Domethënë gropa jonë do të ishte e hapur. Por as Ilir Meta dhe as Edi Rama nuk e kanë problemin me Edi Ramën. Kjo është një fasadë, një mashtrim. Me Edi Ramën e kanë, sepse e kanë me Amerikën.
Sepse Edi Rama është qeveria, është fronti që është zgjedhur për të ndihmuar tërë procesin e dekriminalizimit të këtij vendi. Edi Rama është thjesht ‘fshesari’ i shtëpisë, që do t’i fshijë të gjithë këta. Dhe ditën e fundit do largohet për vete, sigurisht. Unë nuk po them se do jetojë Edi Rama nëse ka gabuar, por këta janë hapur-hapur antiamerikanë”.
