Presidenti Meta ka lëshuar një sërë deklaratash të forta, e po kështu akuza të njëpasnjëshme ndaj kryeministri Rama në emisionin “Opinion”. Ai tha se Rama është në krye të OSBE-së vetëm falë ish-kryeministrit Sali Berisha, të cilit i drejtohet me termin “Doktori i madhërishëm”.
“Unë nuk e di se çfarë thonë ambasadat. Unë jam president dhe di që Shqipëria është vite larg Serbisë dhe Malit të Zi për anëtarësimin në BE.
Populli është me presidentin, siç ishte në 2 mars, ta keni të qartë. Vetëm mëshira e presidentit e shpëtoi atë, se populli kërkonte shpërndarje parlamenti.
Nëse kryetari i PS nuk reflekton me kthimin mbrapsht të ndryshimeve nga presidenti, të cilat do të jenë të mirëargumentuara. Nëse ai shkel 5 qershorin, ai nuk i fton shqiptarët në zgjedhje, i fton në referendum. Rama karrigen e OSBE e ka falë “doktorit të madhërishëm”, që vuri firmën 10 vite më parë. Babanë e Edi Ramës do ta kisha dekoruar, se ishte artist shumë i mirë, por s’mund ta bëj këtë pasi ai ka firmosur për të varur Havzi Nelën në vitin 1988”, deklaroi Meta.
