E enjte, 21 Tetor, 2021
8.5 C
Tirana

Meta ‘paralajmëron’ se do të marrë frenat e opozitës sapo të lërë Presidencën

Të shtunën, presidenti Meta deklaroi se nuk do të lejojë që vendi të mbetet pa opozitë. Në këtë formë, Kreu i Shtetit, Ilir Meta paralajmëroi se do të tentojë të marrë opozitën pas largimit nga Presidenca. Sipas tij, shqiptarët nuk do ta lejojnë skenarin e një Shqipërie pa opozitë. Në këtë mënyrë ai konfirmoi aleancën me Berishën për të larguar Bashën. “Jam i bindur që nuk ka përpjekje në botë që të realizojë atë skenar të zi për të lënë Shqipërinë pa opozitë. Jam i sigurt që shqiptarët nuk do të pranojnë kurrë të kthehen në modele që i takojnë jo vetëm një kontinenti tjetër, por përkundrazi, shqiptarët kanë potencial për të ecur para dhe këtë e realizon demokracia e vërtetë”, tha Meta.

Presidenti Ilir Meta dha sinjalet se po synon të marrë frenat e opozitës. Teksa është pyetur mbi “Foltoren” e ish-kryeministrit Sali Berisha, ai zgjodhi të mos komentojë. “Nuk dëshiroj të komentoj zhvillimet e brendshme në asnjë forcë politike. Duhet t’i zhvillojnë debatet e brendshme në mënyrë demokratike. Demokracia nuk është e dhënë njëherë e përgjithmonë, këtë e kemi mësuar në këto 3 dekada, ajo ka ulje ngritjet e saj. Shpresojmë të gjithë t’i përmbahen parimeve më bazike të shtetit të së drejtës”, tha ai.

Sa u përket akuzave të Berishës për një bashkëpunim Rama-Basha, presidenti preferoi të mos përfshihej, teksa tha se kjo çështje të gjykohet pas 24 korrikut. “Nuk dëshiroj të bëhem pjesë e këtyre debateve. Ato do të kemi kohë t’i gjykojmë pas 24 korrikut, vazhdimisht. Janë çështje të tyre, mjaftojnë të respektojnë Kushtetutën”, tha ai.

Ish-kryeministri Berisha njoftoi nisjen e një turi në bazë, të cilën e pagëzoi me emrin “Foltorja”, pasi kryedemokrati Lulzim Basha e përjashtoi në 9 shtator nga grupi parlamentar i Partisë Demokratike. Kjo e fundit nisi rrugëtimin e saj në 16 shtator në Tiranë, ndërsa po lëviz nga qyteti në qytet.

Lexo edhe :   Berisha kërcënon me një ‘97-të të dytë, deputetët e Dibrës braktisin "Foltoren"
- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...