Meta paralajmëron Ramën: Do t’ia pres duart edhe atij nëse guxon të prekë votat

Presidenti i Republikës, Ilir Meta ka folur për procesin e zgjedhjeve parlamentare të 25 prillit, ku tha se do nxjerrë dekrete për mbrojtjen e votës së lirë.

I ftuar në emisionin ”TV1 Channel”, Meta paralajmëroi kryeminstrin Edi Rama se do t’i presë duart nëse sipas tij do të guxojë të prekë votën më 25 prill.

I pyetur nëse do të dekretojë zgjedhjet nëse Rama del fitues, Meta u shpreh se nëse kryeministri i fiton 71 mandate pa prekur votënn, do t’i jepte edhe mandatin e tij.

Ilir Meta:Rama është një kukull që dihet nga kurdiset në rajon, për të minuar të ardhmen e Shqipëriseë. Edi Ramën e paralajmëroj nga Shkodra se do t’ja pres duart atij dhe kujdo tjetër banditi që guxon të prekë votat. Presidenti do nxjerrë dekrete për mbrojtjen e votës së lirë. Për këtë të jetë i qartë Rama dhe banditët e tij. I gjithë populli do jetë ushtar dhe do ta ndjekë Ramen kudo që të jetë nëse prek 1 votë. Nëse Rama fiton 71 mandate pa prekur votën, unë do ti jap mandatin tim se nuk kam çfarë e dua. Nëse ai prek votën e shqiptarëve do të jetë fundi.”