Presidenti I Republikës, Ilir Meta i ka bërë thirrije qeverisë që të rimbusojë në mënyrë urgjente të gjithë qytetarët që kanë harxhuar kursimet e tyre dhe kanë hyrë në borxh, për tu kuruar nga Covid-19.
Meta ka kërkuar që në mënyrë urgjente, qeveria të rimbursojë pa asnjë vonesë të gjithë qytetarët, të cilët janë kuruar në shtëpi si dhe t’u garantojë ilaçet falas të gjithë të infektuarve.
Sipas Kreut të Shtetit, dokrrat me “shëndetësinë falas” dhe çdo demagogji tjetër duhet të marrin fund dhe se qytetarët nuk mund të lihen në mëshirë të fatit përballë një virusi kaq të rrezikshëm, që vetëm dje mori 21 jetë, shifër rekord për numrin ditor të viktimave.
Postimi i Presidentit Meta në rrjetin social, Facebook
”Dëshmitë e pacientëve të infektuar me COVID-19 dhe të afërmve të tyre tregojnë se me mijëra familje kanë humbur kursimet apo po hyjnë në borxhe në mungesë të të ardhurave të mjaftueshme për të përballuar koston e lartë të barnave dhe analizave të shumta. Qeveria duhet urgjentisht të RIMBURSOJË pa asnjë vonesë të gjithë qytetarët, të cilët janë kuruar në shtëpi dhe t’u garantojë ILAÇET FALAS të gjithë të infektuarve.
Dokrrat me “shëndetësinë falas” dhe çdo demagogji tjetër duhet të marrin fund! Qytetarët nuk mund të lihen më në mëshirë të fatit përballë një virusi kaq të rrezikshëm, që vetëm dje mori 21 jetë, shifër rekord për numrin ditor të viktimave. Urgjentisht të bëhet transparent plani i vaksinimit masiv dhe jo “klasor” i popullatës dhe të ndryshohet rrënjësisht strategjia antiCOVID, mbështetur mbi këshillat e specialistëve më të mirë epidemiologë, virologë e imunologë brenda e jashtë vendit. “Babëzia” në pandemi është edhe më kriminale! I vetmi prioritet dhe preokupim duhet të jetë: Mbrojta e shëndetit dhe jetës së qytetarëve!”
