Kreu i Partisë së Lirisë, Ilir Meta, ka pohuar se do t’i bashkohet protestës së Sali Berishës më 6 dhjetor. Meta pati një komunikim për mediat, pas homazheve të zhvilluara tek “Varrezat e Dëshmorëve”, ku ka folur edhe për protestën e 6 dhjetorit. Ai tha se siguria në Shqipëri është në “kërcënimin e mafies në pushtet”. Meta theksoi se më 6 dhjetor të do të jenë para Kryeministrisë për të protestuar, ndërsa sipas tij, do të jetë thjesht një tubim paqësor. Pavarësisht faktit se Policia e Shtetit i ka refuzuar kërkesën e Rithemelimit për të zhvilluar protestën më 6 dhjetor në Bulevard me argumentin se cenohet siguria kombëtare, Berisha e ka shpërfillur duke vënë në dukje se do të mblidhen para Kryeministrisë dhe do të derdhen në sheshe, ndërsa qëndrimit të tij ju bashkua sot edhe Ilir Meta.
“Një vend ku askush të mos e frenojë më aspiratën për t’u anëtarësuar në BE si ka ndodhur vitet e fundit. I jemi mirënjohës BE, që pavarësisht vullnetit të qeverisë, mori një vendim edhe për shkak të zhvillimeve më të fundit në kontinent duke vendosur në plan të parë përshpejtimin e integrimit europian të Ballkanit Perëndimor.
Kjo kërkon energji të brendshme, për të përshpejtuar reformat që e bëjnë Shqipërinë të jetë shembull në rajon, për të drejtat e qytetarëve të saj. Siguria në Shqipëri është në kërcënimin e mafies në pushtet. Nuk është njoftuar protestë ndaj kryetarit të Bashkisë, bileta e tij pa kthim në 14 maj.
Është njoftuar një manifestim pro-europian, që gjithë Shqipëria dëshiron të japë mesazh mirënjohjeje dhe për të nxitur Shqipërinë të ecë ne rrugën e integrimin europian dhe procesit të Berlinit. Në Shqipëri nuk ka dhe nuk duhet të ketë asgjë më të rëndësishme se Kushtetuta”.
Përse i keni shmangur thirrjet për t’i ftuar qytetarët në protestë?
Meta: E kemi bërë të qartë që dhjetori është muaji i demokracisë, i Europës.
Ju nuk i keni bërë thirrje
Meta: Ndoshta nuk keni qenë te selia e PD, sot ju falenderoj që do ta transmetoni këtë thirrje pro-europiane që synon t’i japë fund kapjes së shtetit. Dhe për ti dhënë fund një kërcënimi që i vjen BE dhe Britanisë.
