Presidenti i Republikës, Ilir Meta mori pjesë në veprimtarinë ndërkombëtare “Ditë Leksionesh të Hapura – Platforma Today’s”, me temë “Të rinjtë në aktualitetin politik”, të organizuar nga Këshilli Rinor i Ballkanit.
Gjatë fjalës së tij, Meta u shpreh vendi ka nevojë për një ndryshim të madh dhe të fortë.
Sipas tij, te të rinjtë nuk ka një emigrim normal, por shpopullim.
Ilir Meta: ‘‘Vendi ka nevojë për një ndryshim të madh dhe të fortë. Ka një deformim të madh mes mënyrës si ne zhvillojmë politikat e arsimit me kërkesat e punësimit. Këto nuk janë adresuar për një kohë të gjatë, prandaj jemi në një situatë të tillë ku e vetmja zgjidhje është largimi nga vendi pa dëshirën e tyre, por për shkak të pamundësive. Nuk kemi një emigrim normal, por shpopullim. E kam ngritur gjithmonë problemin e shpopullimit.”
Mes të tjerash, kreu i shtetit i bëri thirrje partive politike që të kenë mes tyre të rinj dhe që ata të behen pjesë e listave të kandidatëve për deputetë.
