Në konferencën për mediat, Meta tha i revoltuar se vendi ka marrë tatëpjetën prej kohësh. Sipas tij, kjo mund të shihet nga rritja e numrit të kushteve të vendosura nga BE-ja.
Presidenti Meta bëri deklaratën e fortë, ku tha se nëse do të ketë grusht shteti, “do të shtypet nga grushti i popullit”. Sipas Metës, grushti i popullit është më i madh se grushti i shtetit.
“Partitë në Shqipëri kanë kohë që nuk bëjnë dot zgjedhje as brenda tyre. Nëse mazhoranca nuk dëshiron hapjen e listave, le t’i mbajë të mbyllura për vete, por nuk mund të ndalojë partitë e tjera.
Nëse do të kemi një shkelje të njëanshme, sikurse është vepruar edhe me ndryshimet Kushtetuese, është e qartë se kemi tentativë për grusht shteti dhe kuptohet që grushti i shtetit do të shtypet nga grushti i popullit. Eshtë më i madh grushti i popullit se grushti i shtetit”, tha më tej ai.
