Presidenti Meta ka lëshuar mesazhe shumë të forta gjatë fjalimit të tij në manisfestimin para Presidencës. Meta e nisi fjalimin duke thënë se ajo që po shihte para ishte zëri i popullit dhe zëri i Zotit. Pas firmosjes së dekretit që kthen ligjin për betimin e anëtarëve të Gjykatës Kushtetuese, ka paralajmëruar se do të firmosë edhe një dekret tjetër për shpërndarjen e Parlamentit, nëse qeveria nuk e merr parasysh popullin. Kreu i Shtetit i ka lënë edhe një afat kryeministrit për të reflektuar, dhe kjo është data 15 mars.
“Dhe tani, përpara se të firmos dekretin kundër ligjit antikushtetues për betimin tek Lana të anëtarëve të Gjykatës Kushtetuese, kërkoj shprehjen e vullnetit tuaj. Kush është pro, ju lutem të ngrejë dorën.
Vdekje grushtit të shtetit, rroftë Republika, rroftë shteti i së drejtës. Këtu pas ka një kërkesë tjetër, nuk kënaqen me pak, nuk kënaqen me kaq. Duan që sot shpërndarjen e parlamentit puçist.
Më duhet të firmos këtë dekret dhe do të kthehem përsëri këtu, për atë dekretin tjetër që e brohoritët më shumë se ky.
Pas datës 15 mars kur të përfundojë reforma zgjedhore, që është kusht, nëse ata nuk do ta marrin seriozisht popullin që votoi sot për vdekjen e grushtit të shtetit, unë Ilir Meta betohem se atë dekret nuk do ta firmos këtu, por atje në mes të Parlamentit, në mes të krimit”.
