Kreu i Shtetit, Ilir Meta, njoftoi në një koferencë për mediat se ditën e hënë, do të dorëzojë në Prokurori kallëzimin penal për Kreun e Këshillit te Emërimeve në Drejtësi, Ardian Dvoranit.
Për të, Ardian Dvorani ka thyer ligjin, dhe ka marrë vetë vendimet për dergimin e listave pranë Kuvendit dhe Presidentit. Në argumentin e tij, Meta u shpreh se e akuzon Dvoranin për “shpërdorim detyre” dhe “përvetësimi i titullit apo detyrës shtetërore”.
“Ai ka cënuar procesin e legjitimitetit të zgjedhjes së anëtarëve të Gjykatës Kushtetuese.
E akuzoj për këto vepra penale: 1- shpërdorim detyre neni 248 kodit penal. 2 -përvetësimi i titullit apo detyrës shtetërore, 246 kodi penal. Këto veprime përbëjnë vepra të qarta penale.
Të nderuar zonja dhe zotërinj prokurorë. Veprimet dhe mos veprimet e Dvoranit, kanë cënuar procesin e zgjedhjes së anëtarëve të Gjykatës Kushtetuese. Gjatë detyrës, ai me dashje ka shpërdoruar funksionon dhe ka marrë përsipër të realizojë një akt mafioz”, tha Meta.
Sipas presidentit, KED nuk ka marrë vendime kolegjiale siç e detyron ligji, por vendimet janë marrë në mënyrë personale nga Ardian Dvorani.
“Nga informacionet e mbledhura, bëhet me dije se listat për Kuvendin dhe për presidentin janë bërë në të njëjtën kohë. KED i cili është një organ kolegjial dhe jo personal, dhe askush nuk merr vendimet personale dhe funksionon në bazë të ligjit në mbledhjen e datës 21 shtator, nuk ka marrë asnjë vendim për kohën dhe për mënyrën e dërgimit të listave. Kryetari i KED i ka dërguar vetë listat, dhe i ka dërguar ato njëherazi për të dyja institucionet”, u shpreh Meta.
