Kreu i Shtetit Ilir Meta përgjatë një deklarate për mediat ka theksuar ditën e sotme se zgjedhje më datë 30 qershor nuk ka dhe nuk do ketë.
“Presidenti nuk ndërhyn për të penguar zgjedhjet partiake, por kjo datë nuk ekziston ligjërisht. Në Republikën e Shqipërisë ka vetëm një person që vendos datën e zgjedhjeve dhe ai është presidenti i Shqipërisë. Apeloj për reflektim. Unë e shfuqizova datën e zgjedhjeve për shkak të një krize të rëndë politike, me qëllim për normalizim e situatës në vend”, tha ai.
Një nga gazetarët e pyeti Metën nëse ka në plan të dorëhiqet, ndërkohë kreu i Shtetit në mënyrë mjaft të drejtpërdrejtë u përgjigj: “Ky institucion nuk do të digjet kurrë, Shqipëria nuk do kthehet në tirani personale të askujt. Bashkë do jemi deri më 24 korrik të vitit 2022”.
