Kryeministri Edi Rama refuzoi mbrëmë ftesën e presidentit Ilir Meta, i cili e ftoi tri ditë para 30 qershorit për dialog bashkë me kreun e opozitës, Lulzim Basha.
Ky i fundit pranoi ftesën e kreut të shtetit Ilir Meta, për t’u takuar në Presidencë.
Kreu demokrat shmangu komentet për mediat, por mësohet se Basha dhe Meta kanë diskutuar rreth aktualitetit dhe krizës politike në vend, ku në qendër është data 30 qershor, dita kur priten të zhvillohen zgjedhjet lokale në Republikën e Shqipërisë.
Mësohet se kryeministri ndodhet në kryeqytet, në disa ambiente afër Presidencës. Rama është në një ambient privat, ku zhvillohen aktivitetet sportive si noti.
