Kreu i Partisë së Lirisë, Ilir Meta, i është drejtuar me një mesazh qytetarëve, që të ngrihen në protestë kundër të gjitha padrejtësive, duke përmendur rritjen e çmimeve, varfërisë apo shpopullimit.
Mesazhi nga Meta
“Të gjithë në këmbë kundër rritjes së çmimeve, kundër thellimit të varfërisë, kundër shpopullimit dramatik dhe kundër largimit të dhimbshëm të të rinjve! Koha është tani për të shpëtuar Shqipërinë!”.
Protesta kombëtare e organizuar nga PD më 12 nëntor do të zhvillohet në orën 16:00. Sipas liderve të opozitës, Berisha dhe Meta, kjo do të jetë një nga protestat më madhështore.
Sali Berisha ka deklaruar më herët se protesta do të jetë përgjigjia ndaj qeverisë, të cilën e akuzon si të përfshirë në afera korruptive.
