E mërkurë, 8 Dhjetor, 2021
-0.5 C
Tirana

Meta bën homazhe në nderim të ish-futbollistit dhe trajnerit të shquar Ali Mema

Presidenti Ilir Meta bëri sot homazhe në nderim të jetës dhe veprës së personalitetit të shquar të futbollit dhe sportit shqiptar, ish-futbollistit të ekipit të Tiranës dhe të Kombëtares, Ali Mema, duke vendosur një kurorë me lule dhe duke u përulur me respekt para trupit të të ndjerit, në ceremoninë e zhvilluar në stadiumin “Selman Stërmasi”. Duke iu shprehur ngushëllimet familjes Mema, të afërmve, kolegëve dhe bashkëpunëtorëve të tij të shumtë, Presidenti Meta, vuri në dukje:

“Padyshim që ndarja e parakohshme nga jeta e Ali Memës, një ikonë e jashtëzakonshme jo vetëm e bardhebluve, por edhe e kuqezinjve është një mungesë e pazëvendësueshme nga sot e në të ardhmen.

Ashtu sikurse është e qartë se kontributi i tij madhor për Tiranën e madhe të viteve ’60-të dhe për atë Kombëtare të jashtëzakonshme që barazonte dhe skualifikonte nënkampionët e Botës së asaj kohe, Gjermaninë, në dhjetor të 1967-s në Tiranë, do të mbetet gjithmonë i paharruar dhe një burim frymëzimi për brezat më të rinj.

Ali Mema ka qenë një model i jashtëzakonshëm në fushën e blertë për të frymëzuar ekipin që përfaqësonte.

Por ai ka qenë gjithmonë një model jashtë fushës. Ka qenë një edukator, një trajner, i cili ka përgatitur e ka motivuar mjaft sportistë të mëdhenj.

Ali Mema i përkiste një familjeje të madhe të kryeqytetit tonë, që ka kontribute të panumërta në botën e futbollit e të sportit. 

Jam i sigurt se kontributi dhe vepra e tij do të mbeten të përjetshme dhe gjithmonë do të shërbejnë si një frymëzim për të ardhmen për të gjithë ata të rinj të cilët duan të jenë kampionë.”, – u shpreh Presidenti Meta.

- Reklama -

Më shumë nga kategoria




Të fundit

“Njeriu njihet kur ceket interesi personal”, Basha flet për Berishën

“E vërteta është që kam patur një bashkëpunim shumë të ngushtë. Ne kemi patur një marrëdhënie shumë të ngushtë me njëri-tjetrin gjatë kohës që...

Clinton nderon kryeministrin Rama me çmimin “Vital Voices Global”

Kryeministri Edi Rama u nderua gjatë vizitës së tij në Nju Jork, me çmimin e “Inovatorit të nderuar global” nga organizata e themeluar nga...

Ukraina fuçi baruti

Perëndimi i forcon krahët Ukrainës. Për shkak të rritjes së tensioneve ushtarake me Rusinë, SHBA, Franca, Britania e Madhe, Italia dhe Gjermania kanë mbështetur...

Gjici shfrenon fantazinë: As Gjermania s’i ka bërë investimet që ka bërë Kukësi

Kryebashkiaku i Kukësit, Safet Gjici, ka surprizuar me deklaratën e tij publike, duke thënë se as Gjermania nuk i ka bërë investimet që ka...

Foltorja dhe Prefekti, nuk janë hallet e shqiptarëve

Nga: Artur Ajazi Në një kohë kur gjithë bota merret me problemet e pandemisë, apo rritjes së mirëqenies, zgjidhjen e krizave dhe shuarjen e vatrave...