Ylli i futbollit argjentinas, Lionel Messi, ka zhvilluar mes lotësh konferencën për shtyp në ‘Camp Nou’. Ai s’ka mundur të fshehë emocionet e forta, teksa është shprehur se Barcelona mbetet shtëpia ku ai u rrit profesionalisht. Messi pohoi se do kishte dashur që lamtumirën nga Barcelona ta kishte dhënë në fushën e ndeshjes. Në konferencën për shtyp, Messi u shpreh se kishte ulur pagën deri në 50%, por nuk ishte e mjaftueshme.
“Divorci erdhi për shkak se klubi ka një borxh shumë të madh, ai nuk dëshiron të marrë hua më shumë. Nuk mund të bëhet dhe La Liga nuk e lejon atë. Pse ta zgjas më shumë nëse është e pamundur? Duhet të mendoj edhe për karrierën time. E thashë. Bëra më të mirën. Nuk mund të them asgjë tjetër”.
Unë e kisha ulur pagën time në 50%, dhe pastaj asgjë më shumë nuk më ishte kërkuar. Nuk është e vërtetë që ata më kërkuan diçka më shumë”.
A jeni ndjerë të mashtruar? “Jo. Ne bëmë atë që mundëm dhe nuk mund të bëhej. Unë isha gjithmonë ballë për ballë me të gjithë. Jo gjithçka që thuhet është e vërtetë”, tha ai.
