Zbulohen detaje të reja në lidhje me aksidentin me helikopter që la të vdekur basketbollistin 41-vjeçar.
Mësohet se policia e Los Angeles kishte bërë thirrje që të mos zhvilloheshin fluturime, për shkak të mjegullës që kishte mbuluar vendin. Por pavarësisht këtyre paralajmërimeve, helikopteri i Bryant u ngrit për fluturim duke u rrëzuar pak më vonë në një kodër në Calabasas, California.
Helikopteri u përfshi nga flakët menjëherë pas momentit të rrëzimit. Bashkë me të ishte edhe vajza e tij 13-vjeçare Gianna dhe 7 persona të tjerë. Të dhënat e fluturimit tregojnë se helikopteri u ndesh me disa probleme në zonën sipër Kopshtit Zoologjik në Los Angeles, ndërsa materiali audio nga kontrolli i trafikut ajror tregon se gjendja e helikopterit vetëm po përkeqësohej, deri në momentin që u rrëzua.
“Situata e motit nuk i përmbushte as kushtet minimale për fluturim”, tha zëdhënësi i departamentit të Policisë së Los Angeles.
Në mes të 9 viktimave ishte edhe piloti Ara Zobayan, një trajner basketbolli në Orange County College, gruaja e tij Keri dhe vajza Alyssa. Gjithashtu në këtë aksident mbeti e vdekur edhe trajnerja e basketbollit për vajzat, Christina Mauser.
