“Shpresoj që të mos ketë një marrëveshje të fshehtë për të vrarë Reformën në Drejtësi!”
Kështu shprehej Ambasadorja e SHBA Yuri Kim, disa ditë më parë në një publikim në rrjetet sociale.
Lidhur me këtë, në studion e emisionit “Opinion”, Presidenti Ilir Meta theksoi se nuk është ai targeti i Ambasadores.
Gazetari Blendi Fevziu: Reforma në Drejtësi po kthehet si legjenda e Rozafës. Statusi i Ambasadores Amerikane, pasuar edhe nga një status i zyrës së Komisionit Europian. Sipas VOA, ky status ju adresohet ju si një person që përmes platformës suaj po mundoheni të ktheni pas reformën.
Meta: “S’jam unë targeti i Ambasadores. Nuk mund të jem target i askujt sepse jam Presidenti i vendit.
Nuk mund të ketë një Ambasadore target mbi një President se ky është një problem tjetër.
Nuk është Ilir Meta target i askujt. Një gjë ta kesh të qartë ti dhe kushdo. Nuk lejoj më të tallet njeri me atë Reformë që e katandisën në atë formë. Ambasadorja vetëm për Ilir Metën s’mund ta ketë”.
