Në fillim të muajit shkurt, emisioni “Stop” transmetoi rastin e familjes Norja në Shijak, që jetonte në kushte të vështira, mes skamjes. Anila Norja ka 3 fëmijë, të moshës 10 deri në 14 vjeç. Sikur të mos i mjaftonin vuajtjet, bashkëshorti e ka braktisur atë dhe fëmijët.
Të katërt përpiqen të mbajnë frymën gjallë me 60 mijë lekë të vjetra në muaj. Shtëpia e tyre nuk kishte banjo dhe ujë të rrjedhshëm. Një muaj e gjysmë pas transmetimit të apelit të familjes Norja, “Stop” dhe “Fundjavë ndryshe”, e kanë bërë atë me shtëpi të re.
Pamjet s’kanë nevojë për shumë komente, pasi nuk mungon asgjë. Fëmijët kanë shtretërit e tyre, e po kështu e ëma e tyre do mundet të gatuajë në një kuzhinë.
