Politikë

Gafa e ministrit Cakaj në takimin me homologun çek, kombin shqiptar e kthen në komunitet

               Publikuar në : 22:29 - 15/03/19 Enno

Ministri në Detyrë për Evropën dhe Punët e Jashtme, Gent Cakaj, priti në një takim homologun çek, Tomáš Petříček, të cilin e siguroi se Shqipëria do të vijojë me reformat me shpresën se do të ketë një përgjigje pozitive për progresin e vendit në qershor këtij viti.

Takimi u zhvillua në kuadër të vizitës rajonale të Ministrit të Jashtëm çek në Republikën e Maqedonisë së Veriut dhe në Shqipëri, i cili pati në fokus marrëdhëniet dypalëshe, bashkëpunimin ekonomik, integrimin në BE, bashkëpunimin në kuadër të NATO-s dhe situatën në rajon.

Megjithatë, në konferencën për shtyp në ambientet e ministrisë, Cakaj bëri një gafë, kur cilësoi kombin shqiptar si komunitetin më pro-europian në rajon. “… mbesim shpresëplotë që vendet anëtare të BE-së do i përgjigjen pozitivisht progresit të ndërmarrjeve në Shqipëri gjatë kësaj periudhe. Ne mbesim komuniteti më pro europian në rajon”.

Kujtojmë që Cakaj u përball me kritika edhe në Samin e Diaspores, kur ngaterroi vargjet e poemës ‘Bagëti e Bujqësi’ të Naim Frashërit.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT