Ministria e Shëndetësisë e ka përzgjedhur se cila do të jetë godina, e cila do të shërbejë si spitali më i ri për pacientët me koronavirus.
Bëhet me dije se spitali i ri do të ngrihet në godinën e ish-universitetit privat “Kristal”, i cili u mbyll pak vite më parë.
Vendimi është marrë sot dhe është publikuar në Fletoren Zyrtare.
“Ministria e Shëndetësisë dhe Mbrojtjes Sociale të marrë të gjitha masat, në varësi të situatës, për përshtatjen e në një strukturë karantine ose spitalore, si dhe të përllogarisë fondin për të kryer investimet e nevojshme”, thuhet në pikën 2 të këtij vendimi.
Në këtë vendim theksohet se kjo godinë do të mbetët në dispozicion të Ministrisë së Shëndetësisë deri në përfundim të gjendjes së krijuar nga përhapja e virusit Covid-19.
Kujtojmë se deri më tani në Shqipëri janë verifikuar 174 raste me koronavirus. Nga këto 17 pacientë janë shëruar, ndërsa 6 kanë ndërruar jetë.
