Kancelarja gjermane, Angela Merkel, ka paralajmëruar kryeministrin e Mbretërisë së Bashkuar, Boris Johnson, se për shkak të propozimeve të reja nga ana e Londrës për Irlandën, një marrëveshje për Brexit-in do të ishte e pamundur.
Sipas mediave britanike, biseda telefonike mes Merkel dhe Johnson u bë në kohën kur në Bruksel po zhvillohen bisedime të vështira, për shmangien e largimit me marrëveshje më 31 tetor.
“Nuk ka ndryshuar gjë nga negociatat e ditës së hënë dhe modifikimet e paraqitura nga Londra, tani për tani, nuk përbëjnë ndonjë ndryshim të madh”, u shpreh një burim evropian në Bruksel.
