Albi Doka u largua drejt kampionatit kroat te Gorica dhe Tirana nuk ka humbur kohë për të siguruar një tjetër mbrojtës të djathtë.
Pak orë përpara finales së Kupës së Shqipërisë kundër Teutës, kampionët e Shqipërisë kanë prezantuar Ardit Tolin.
23-vjeçari i lindur në Pire, i cili ka provuar të luajë me përfaqësueset U-17, U-19 dhe U-21 të Shqipërisë, ka kaluar me sukses vizitat mjekësore dhe ka firmosur kontratën me bardheblutë.
Krahu i djathtë i mbrojtjes është pozicioni i tij natyral, por aktivizohet edhe në qendër të këtij reparti.
Toli është një prodhim i Olympiacos. Ai ka provuar aventura me klube si PAE Chania dhe PS Kalamata, teksa është pa ekip prej janarit të këtij viti, shkruan “abcnews.al”.
