Olsa Muhameti, e cila ka qenë autore e formateve të tjera të suksesshme në Top Channel, tashmë do të jetë autore e programit “E diell”.
Ajo ka realizuar dy edicione të “Pushime on Top”. dhe ka qenë në krye të sezonit të parë të “Hell’s Kitchen Albania”. Autorja e re e së “Diellës”, teksa ishte e ftuar rastësisht nga vetë Manushi tha se; “Kjo është një sfidë shumë e madhe, por që e pranova me shumë dashuri”.
Ishte vetë producenti i programit, Edi Manushi, i cili i ftuar në programin veror “Pushime on Top”, dha lajmin se sezonin e ri, autore në e “Diell” do të jetë Olsa Muhameti.
“Ne jemi një program me dinamikë, dhe marrim gjithmonë njerëz të rinj. Kësaj here është autorja e “Pushime On Top”, ajo që i bashkohet ekipit. Olsa ti e di që mua më pëlqen sporti, dhe kjo është një kohë merkatosh. Olsa është blerja e “Diell” për sezonin e ri”, tha Edi Manushi.
