Sot është 8 marsi, Dita Ndërkombëtare e Gruas. Një ditë shumë e rëndësishme kjo, në të cilën kujtohen arritjet e kushteve sociale, politike dhe ekonomike të grave në botë, por edhe dhuna dhe abuzimi që shumë gra janë ende duke vuajtur.
Në këtë ditë të shënuar, një urim ka ardhur nga kreu i Partisë Demokratike, Lulzim Basha. Me anë të një mesazhi në Facebook, kryedemokrati duke uruar vajzat dhe nënat për 8 mars, shkruan se dita për të ka nisur ndryshe sot.
“Mëngjesi sot nisi me një urim nga familja jonë, për të gjitha vajzat dhe nënat shqiptare: GËZUAR 8 MARSIN!”, shkruan ai bashkëngjitur disa fotove, që ka ndarë me ndjekësit në Facebook.
Në Ditën e Gruas protestohet dhe festohet në shumë vende të botës. Në këtë ditë organizohen demonstrata dhe evenimente dedikuar grave.
