Kreu i Shtetit, Ilir Meta, ka folur në lidhje me zgjedhjet parlamentare të 2021. Meta theksoi se nëse ka vullnet për zgjedhje të lira e të ndershme, nuk ka asnjë arsye pse mos të jenë të tilla.
“Nëse ka vullnet për zgjedhje të lira dhe demokratike, nuk shoh asnjë arsye, pse mos të jenë të tilla.
Nëse ka vullnet për të respektuar marrëveshjen e 5 qershorit, nuk shoh asnjë problem. Nëse nuk ka vullnet, do flasim ditë tjetër”, tha Meta.
Meta është pyetur edhe në lidhje me mesazhin e djeshëm të ambasadores së SHBA, Yuri Kim, e cila tha se lideret politikë duhet të mbajnë përgjegjësi për kandidatët për deputetë. Duke qëndruar në të njëjtën linjë, presidenti u shpreh se zgjedhjet e ndershme e pastrojnë politikën nga elementë kriminalë dhe të korruptuar.
“Mendoj se ka ardhur koha që përmes zgjedhjeve të lira e të ndershme, të pastrohet gjithçka e të kemi institucione demokratike. Vetëm zgjedhjet e ndershme e pastrojnë politikën nga elementë kriminalë dhe të korruptuar”, deklaroi Meta.
